Música Nacional da Guiné-Bissau Contra Coronavirus (feat. Tchuma Bari, MC Cádio, Binhan Quimor, Zé Manel, Nelson Bomba, Kilograma, Ammy Indjai e John William) letra

[Tchuma Bari]
Guine di nha pubis son, n' obi noba
I noba medunhu toki panta mundu
Nha ermons no kuida des Covid-19
Nha ermons no ivita des duensa di Coronavirus
I kunsa na Asia, i tciga na Eropa
I panti na Amerika, ali gosi i sta dja na Afrika

[Kilograma]
Sempri nu laba no mon ku iagu ku sabon
O nu uza alkol i kel
No pui mininus tambi pe ba ta laba
I no kuida prendi elis na kasa
Nha ermons, no privini

[Zé Manel]
Fika na kasa, bu ivita djagasi ku djintis manga del
Lundjusi di bu kumpanherus ku distansia di un metru si bo na papia
Pa ivita kontaminason di Corona ooi

[Dulce Neves]
Su na tursi seku, bu na spira
Ka bu pui mon pa tadja kel
Buska lensinhu pa tapa naris ku boka
Garganti na kosau, i na deu
Pui agu kinti ku limon, bu bibi

[Nelson Bomba]
Si bu sinti sintoma ka bu panta
Nen ka bu nega fasi testi ooo
No disa teimozia di fala kuma i ka tciga inda
"No misti odja"

Es Covid-19 bin kasanu tudu na mundu
Ma no, no pudi ku el
Nha ermons bo tene speransa

[Mc Cádio]
Si bu tene febri altu o normal ooo
Ku falta di ar ku na da folgu kansadu
Pega telefoni, bu liga rapidu
Pa MTN 1919 i pa Orange 2020
Aius sa turna bin pa bo

[John William]
Si no uza maskara no dibi di trokal
Si ki ki ta laba no dibi di labal, no sekal na sol kinti
Yo, mensaji di John William
Anos kriansa, no privini

[Mc Mário]
Corona ta kamba rapidu
I parsi gripe ma i ka el
Pa kila no sigui orientasons di OMS
Ku teknikus di saudi

[Ammy Indjai]
Si bu sai di kasa o riba laba mon ku sabon
20 segundus antis di bu toka algun kusa
No privini, Corona na mata
No privini, nha ermons

[Binhan Quimor]
No rasa no pidi Deus ku fe
Sempri no laba no mon
Ku iagu ku sabon
O bu uza alkol gel
Fika na kasa, bu ivita
Djagasi ku djintis manga del

Es Covid-19 bin kasanu tudu na mundu
Ma no, no pudi ku el
Nha ermons bo tene speransa

[Tchuma Bari]
Nha ermons no kuida des Covid-19
Nha ermons no ivita des duensa di Coronavirus
I kunsa na Asia, i tciga na Eropa
I panti na Amerika, ali gosi i sta dja na Afrika

Dulce Neves - Letras

• Casabe África
• Doença Di Mundo
• Mindjer I Mamé
• Mundo Rabida
• Música Nacional da Guiné-Bissau Contra Coronavirus (feat. Tchuma Bari, MC Cádio, Binhan Quimor, Zé Manel, Nelson Bomba, Kilograma, Ammy Indjai e John William)
• N'Cana Cala
• Nha Criaçon
• Si Mortu Tem di Leban
• T'chuba T'chiga
• Tavares